***
चालो विनायक आपां जोशी जी र चाला,
चोखा चोखा लगन लिखांवा ओ राज म्हारो बिरद विनायक
सूंड सूंडालो बाबो दूंद दूंदालो, ओछी सी पींडी कामण गारो ओ राज
चालो विनायक आपां सोनीजी र चालां, चोखा चोखा गजरा घडावां ओ राज म्हारो विरद विनायक
चालो विनायक आंपा मोदी जी र चाला, चोखी चोखी चुनड़ी रंगावा ओ राज म्हारो विरद विनायक *
चालो विनायक आपा दातीड़ा र चाला, चोखा चोखा चूड़ला चीरांवा ओ राज म्हारो विरद विनायक
म्हारो बिरद बिनायक
चालो विनायक आपां बजाजी र चालां चोखी चोखी बरी रे मुलावा ओ राज म्हारो विरद विनायक
चालो बिनायक आपां खैरादी र चाला चोखा चोखा पड़ला मुलावां ओ राज म्हारो विरद विनायक
चालो विनायक आपां कन्दोई र चालां, चोखा चोखा घेवरीया छंटांवा ओ राज म्हारो विरद विनायक
चालो विनायक आपां तम्बोली र चाला, चोखा चोखा बिड़ला मुलावा ओ राज म्हारो विरद विनायक
चालो विनायक आपां बाबाजी र चाला, चोखा चोखा जानीडा सीणगारां ओ राज म्हारो विरद विनायक
चालो विनायक आपा सजना र चाला, चोखी चोखी बनडी परणीजा ओ राज
म्हारो विरद विनायक
संड सूडालो बाबो दंद दुंदालो, ओछी पींडीरो एजण गारो ओ राज म्हारी विरद विनायक