1
माता ए ऊंच मगर डोलर हिंडो घाल्यो ए म्हारी सेडल माय, ऊंच मगर डोलर हिंडो घाल्यो मोरी माय ।
माता ए राजाजी री पाग सलामत राखी ए म्हारी सेडल माय, राण्या देर चूड़ल राखी बांधी मोर माय ।
माता ए कंवरा रो मोलीयो इबछल राखी ए म्हारी सेडल माय, बहू ए सूरंगा दे न गोद झडुलो देई मोर माय ।
(परीवार का नाम लेणा)
***
2
घोड़लीया री घररर माता बैलीया रा भलक तो राजा जी पधार थांरी जात मोर माय । राजाजी र जोड़ बहु राण्या दे पधार तो चूड़ल राखी बांधी मोर माय ।
(इसी तरह परीवार का नाम लेणा)
***
3
दरवाज तो उभी माता शीतला, राजाजी ओ दरवाजो खोल थापर महर करली माता शीतला
म्हान क्या सुण देसी माता शीतला,
थान देसी ओ अन्न धन्न रा भंडार, थांपर महर करली
थान देसी ओ बेटा पोतारी जोड़, थांपर मैया ए करली माता शितला आ तो क्या फरमाव माता शीतला,
थांपा लेसी जी राबड़ रोट्यां री भेट, थांपर महर करली थान देसी जी भाई – भतीजा रो साथ, थांपर महर करली
(इसी तरह पुरा परीवारका नाम लेणा)
***