4
माता शेडल र दरवार बाजा बाज रया ।
राजाजी पधारो थारी जात बाजा बाज रया ।
राण्या दे लाग थार पांव बाजा बाज रया ।
आपर बाप बेटां री जोड़ बाजा बाज रया ।
अपरी भांया भाया री जोड़ बाजा बाज रया ।
अपरी सासु बवां री जोड़ बाजा बाज रया ।
अपरी दिवर जिठाण्या री जोड़ बाजा बाज रया ।
अपरी नणद भोजायां री जोड़ बाजा बाज रया ।
माता शेडल र दरबार बाजा बाज रया ।
***
5
शेडल आई माता देश में ए माय,
अटसट गदैया पलाण मोर माय ।
धोकन ए राजा जी री नार,
थांपर म्हारी सेडल माता राजी मोर माय ।
धोकन ए गोरा कंवरा री माय,
थापर म्हारी सेडल माता राजी मोर माय
नौ नेवज कर धोकस्यां ए माय,
ऊजली अठाई मीठा भोजन मोर माय ।
घी भर दिवलो जोवस्यां ए माय,
मोतीड़ा रा आखा ढ़ालस्यां ए माय ।
सेडल आई माता देश में ए माय,
अटसट गर्दैया पलाण मोर माय ।
(अब घर वालों का नाम लेणा)