हनुमानजी का
हनुमत कठोड़ तो बाजा बालाजी थांर बाजीयां
हनुमत कंठोड म घोरया छ नीशान, बाबा बजरंग जी रो बंगलो हद बण्यो
हनुमत सालासर बाजा बालाजी थारं बाजीया, हनुमत मुम्बई
म घोरया छ नीशान
जोत सवाई जी जुग में चानणो
हनुमत कुणाजी चीणायो बालाजी थांरो देवरो, हनुमत कुणाजी दिराई गज नींव
बाबा बजरंग जी रो बंगलो हद बण्यो
हनुमत राजाजी चीणायो बालाजी थांरो देवरो, हनुमत जातीडा दिराई गज नींव
हुक्म करो तो म्हें आवां थांर जातरी
हनुमत सूरज सामो बालाजी थांरो देवरो, हनुमत ध्वजा ए फरुक असमान,
गेरो नगारो सालासर म घुर रह्यो
हनुमत थे म्हार आज्यो बालाजी साय पावणा, हनुमत भरन भादूड़ र मास
लाल लंगोटो जी तीलक सीन्दर रो
हनुमत उंचा तो घालुं बालाजी साय बेसणा, हनुमत लुल, लुल लागुंली पांय
अंजनी रो पुत्र अजोध्या म रम रयो
हनुमत चावल रांधु बालाजी थान ऊजला, हनुमत हरिरया रे मूंगा री जी दाल
गेरो नगारो सालासर म घुर रयो
हनुमत पोली तो पाँवु बालाजी थान ललचली, हनुमत तीवण तीस बत्तीस,
जोत सवाई जी जूग मं चानणो
हनुमत घी बरताऊं बालाजी थान तोलणा, हनुमत असल जालापुर री खांड
बाबा बजरंज जी रो बंगलो हद बण्यो
हनुमत केर करेला बालाजी थान स तलूं, हनुमत पापड़ तंलु रे पचास,
गेरो नगारो सालासर म घुर रह्यो
हनुमत गीदी तो ढालं बालाजी थान रेशमी, हनुमत फूलडां तो जड्यो रे बाजोट,
जोत सवाई जी जुग में चानणो
हनुमत जीम्या तो जूठ्या बालाजी साय रुच रया,
हनुमत इमृत चल रे कराय सांच साहब जी रो बंगलो हद बण्यो
हनुमत चढ़न चढ़ाव बालाजी थार चूरमो, हनुमत और चोट्यारा नारेल,
हुक्म करो तो म्हें आवां थार जातरी
हनुमत भगत आव बालाजी थार जातरी,
हनुमत दादा पोतारी जी जोड़ हुक्म करो तो म्हे आवां थांर जातरी
हनुमत सासु बवां आव बालाजी थार जातरी, हनुमत दीवर जीठाण्या आव बालाजी थांर जातरी, हनुमत नणद भोजायां आव बालाजी थांर जातरी,
हनुमत लुल लुल लाग थार पाव गेरो नगारो सालासर म घुर रहयो
हनुमानजी का
हनुमान पियारा दुनीयाँ मं थे ही बलवान – २
कुणाजी र जनम्या अर्जून पाण्डू, कुणा र जनम्या हनुमान … हनुमान पियारा…
कुन्ती र जनम्या अर्जुन पाण्डु, अन्जनी र जनम्या हनुमान कांई पैर अर्जुन पाण्डु, काई तो पैर हनुमान । हनुमान पियारा..
. पाटु सुतू पेर अर्जुन पाण्डु, लाल लंगोंटो हनुमान । हनुमान पियारा
कठ उतर अर्जुन पाण्डु, कठतो उतर हनुमान । हनुमान पियारा बगीचा में उतर अर्जुन पाण्डु मिन्दरा मं उतर हनुमान ।
हनुमान पियारा… कांई जीम अर्जुन पाण्डु, कांई तो जीम हनुमान । हनुमान पियारा… लाडु पेड़ा जीम अर्जुन पाण्डु, चूरमो तो जीम हनुमान । हनुमान पियारा
क्यांम जीत अर्जुन पाण्डु क्यांम तो जीत हनुमान । हनुमान पियारा युद्ध म जीत अर्जुन पाण्डु, लंका तो जीत हनुमान । हनुमान पियारा
जिसड़ा कारज राजा रामजीरा साऱ्या, जिसड़ा म्हार बाप बेटा रा सार
जिसड़ा म्हार भायां भायां रा सार,
जिसड़ा म्हार काका भतीजां रा सार हनुमान..
जिसड़ा कारज माता सीता रा सारया,
जिसड़ा म्हारी सासु बवां रा सार
जिसड़ा म्हारी दिवर जीठाण्यां रा सार,
जिसड़ा म्हारी नणदभोजाया रा सार। हनुमान पियारा दूनियाँ में थे ही बलवान अन्जनी रा लाला
दूनियाँ में थे ही बलवान