रंग खुशी रो चढ्यो है आज म्हार आंगणिये मे आज जी
जामण जाया बीरा म्हारी राखलीनी लाजजी
अटक्योडा सब काम पूरा करणे आयो है
म्हारो सांवरियो बीरा जी भात म्हारो भरने आयो है
बीरो म्हारो म्हारो लाल चुनड़ी सगला बीच ओढासी-2
थे म्हारा, म्है थारा बीरा सुख दुख रा हाँ साथी-2
अटक्योडा सब काम —
पायल ल्याया सोनेरी, नथली भी बीरो ल्यायाजी-२ मोतीड़ा रो हार गले में चंदन चौक पुरायाजी -2
अटक्योडा सब काम —
भाई बहिन रो रिश्तो जग में सबसू निरालो है-२
भाई म्हारो सांवरियों ,जिया नानी रो गोपालो है-२
अटक्योडा सब काम —