तर्ज : थाने काजलियो बनाल्यूँ,
थांने पलकां मं छिपाल्यां, थाने हिवड़े मं बसाल्यां माँ, म्हारे स दूर कैयां रहोला, ओऽऽऽ ।। टेर।।
अन्तरा
थारे पगल्यां री पायल बण ज्यावांला, बण कर नारियल भेंट चढ़ ज्यावांला, ओऽऽऽ थारे भगतो से दूर दूर, “कैया ज्यावोला जी”-2 थारी रोली मे बस ज्यावां, थारी मोली मं गुथ ज्यावां ।।
माँ म्हारे.
थारे मन्दिरये री ड्योढ़ी बण ज्यावांला, थारे भक्तों रे पगां री धूल पावलां, ओऽऽऽ म्हाने चरणां स्यूं दूर दूर, “मैय्या कैया राखोला जी”-2, थारी मेंहदी बण ज्यावां, थारै हाथा मं रच ज्यावां ।।
माँ म्हारे..
थारे चूडा रा लाख बण ज्यावांला, थारी चूनड़ी रा तारा बण ज्यावांला, ओऽऽऽ थारै भगता स दूर दूर, “मैय्या कैया ज्यावोला जी”-2 थारो काजलियो बण ज्यावां, थारे नैणां में छिप ज्यावां ।।
माँ म्हारे….
थारे पूजा रो थाल बण ज्यावांला, थारी माला रा फूल बण ज्यावांला, म्हाने हिवड़े स्यूं दूर दूर, “मैय्या कैयां राखोंला जी”-2 थारो दीपक बण ज्यावां, बणकर बाती जल ज्यांवा ।।
माँ म्हारे…..