बाईसा राज करें( विवाह गीत)
घर सजयो है मेहला जैसो ,खूब बज रहया साज
थारे आंगण री सोने चिरैया बनो ले गयौ आज
लग्नमंडप में बैठा जी गजानन थारे आंगणिये आज
जनम जनम रो स्नेह मिलन है मंगल बेला आज
सुणाोजी मंगल बेला आज -3.
सब हल्दी उबटन आज लगाओ ,हाथा मेहंदीआज सजाओ
आयो दिन घड़ी शुभ भाग, बाईसा राज करे
राज करें जी,बाईसा राज करे
टीकोसोहे, झुमको सोहे ,नवल बनीने लहंगो सोहै,
बनी पहरयो नवसर हार, बाईसा राज करे
चांदणी उतरी आज आंगणिये
सज गई बनी आप कारणिये, बन्ना करवाइजों राज
बाईसा राज करे ,राज करेजी लाडो राज करे ,
आयो दिन घड़ी शुभ भाग बाईसाराज करे