***
पीलो-1
सोनीड़री हाट भंवरजी न म्हें सुण्या जी राज, गजरा घड़ाद्यो दोय र चार, गोरी का सायबा हा ओ जच्चा रा बालमा, पीलरी बुंदी पर महके केवड़ो जी राज ।
गजरा मायला हीरा मोती उबर्याजी राज, बो छ म्हारी वाइसा रो नेग, गोरी रा सायबा हाँ ओ जच्चारा बालमा पीलरी बुंदीपर महक केवड़ो जी राज । दरजीड़री हाट भंवरजी न म्हे सुण्यो जी राज, कब्जा सींवाद्यो दोय र चार, गोरी रा….. कब्जा मांयला टुकी टेरा उव जी राज, ओ छ म्हारी भुवाजी रो नेग, गोरी रा मोडीड़ री हाट भंवरजी न म्हें सुण्या जी राज, पीला रंगाद्यो दोय र चार, गोरी रा…. पील मायला वेल बूटी उवर्या जी राज, ओ छ म्हारी नणदल बाई रो नेग, गोरी रा… कन्दोईरी हाट भंवरजी न म्हे सुण्या जी राज, घेवरीया छंटाद्यो दोय र चार, गोरी रा…. घेवर मांयला खेरा भोरा उब जी राज, ओ छ म्हार टावरीय रो नेग, गोरी रा सायवा हां ओ जच्चा रा बालमा, पिलरी बूंदी पर महक केवड़ो जी राज ।
***
पीलो_2
धण न पेलो मासज लाग्यो, धण न दूजो मासज लाग्यो ।
रंग दे रंग दे रे रंगरेजा, पीलो मोती चूर को।
जच्चारो पीलो भी रंग दीजे, झगला टोपी भी रंग दीजे, हालीजरो साफो भी रंग वीजे,
ओढ़ी – २ ए सवागण पीलो मोती चूरको ।
धण न इगन्यो मासज लाग्यो, धण न चौथो मासज लाग्यो
रंग दे रंग दे रे रंगरेजा, पीलो मोती चूरको ।
(इस तरह पूरे नौ महीने का नाम लेणा)