(लय- चाल चंदा डागलिये में झीणी झीणी चांदनी,)
गणगौर का गीत
चाल गवरा डागलिए में झीनी-झीनी
चाँदनी-2
कोई हिल-मिल रास रचावा रे चेतां में -2
थारे सागे कोनी चालू, ओ रे ईसर, रसिया-2
सारी-सारी रात जगाओ रे चेतां में -2
थार ए कारण गवरा बाग लगायो -2
कोई हिलमिल घूमण चाला रे चेतां में
थार रे कारण ईसर, सेज सजायो-2
कोई ओढ़ण रे मिस आओ रे चेतां में -2
थारे रे कारण ईसर थाल सजायो र
कोई जीमण रे मिस आओ रे चेतां में- 2
थाररे कारण ईसर सेज सिणगारी
पोढण रे मिस आओ रे चेता मैं -2
गणगौर GEET
(लय- जल जमुना रो पाणी किया)
जळ जमना रो पाणी कइया, ल्याऊं ओ इसरजी -2
पतली कमर म्हारी लुळ लुळ जाय – 2
सर पर घड़लो घड़े पर मटकी
मटकी ऊपर कलसो कोनी चाले ओ इसरजी
पतली कमर म्हारी लुळ लुळ जाय – 2
छोटोड़ी नणदल म्हारी पाणी कोणी लावे
बां घरां बैठी हुकम चलावे ओ इसरजी -2
पतली कमर म्हारी लुळ लुळ जाय
ऊँची ऊँची पाळ घड़ो कोनी डूबे -2
बीच में जाऊं तो डर लागे ओ इस जी
पतली कमर म्हारी लुळ लुळ जाय – २