गणगौर का गीत दूब ल्यान का गीत 1
बाड़ी वाला बाड़ी खोल, बाड़ी की किवांड़ी खोल, छोरियां आई दूब न । थे कुण्या जी री बेटी हो, कुण्या जी री बेन हो, कांई तुम्हारो नाम है । म्हे ब्रह्मादास जी री बेटी हां, ईसरदास जी री बेन हां, रोवां म्हारो नाम है। बाड़ी वाला बाड़ी खोल
(पूजने वाली लड़कियों का नाम लेना)
2
***म्हारा माथा न मेंमद ल्यायो रंग रसिया म्हारी रखड़ी बैठ जड़ाओ रंग रसिया गैरो जी फूल गुलाब रो गैरो गैरो जी सासुजी थांको जायो रंग रसिया गैरो जी फूल गुलाब रो म्हारी हथेली फरुक रुपीया ल्याओ रंग रसिया गैरो जी फूल म्हार काना न कुण्डल ल्याओ रंग रसिया गैरो जी म्हार हाथा म चूड़लो ल्याओ रंग रसिया गैरो जी फूल म्हार पगल्यां म पायल ल्याओ रंग रसिया गैरो जी फूल म्हारी चूनड़ बैठ रंगाओ रंग रसिया गैरो जी फूल म्हारी जीभड़ली फरुक बरफी ल्याओ रंग रसिया गैरो जी फूल गैरो गैरो जी बाइजी थांरो बिरो रंग रसिया गैरो जी म्हारी हथेली फरुक मोरां ल्याओ रंग रसिया गैरो जी फूल म्हारी आंखड़ली फरुक घर आओ रंग रसिया, गैरो जी फूल
***
गोर भोलावणी का गीत 3
(तर्ज – ऊंच मगर ओ)
जागो जागो जी काशव जी रा सूरज जी, गोर घरां भोलाइज । जागी जागो जी ब्रहमादास जी रा ईशरजी गोर घरा भोलाइज । म्हारी गोर्या न भोलावा जी दिज्यो हंसती भी दिज्यो घूमती । म्हारी गोर्या न भोलावा जी दिज्यो गेणा जी दिज्यो मोकला । म्हारी गोरिया ने भोलावा दिज्यो चूनड़ जी दिज्यो मोकला ।