श्री रामदेव आराधना
(लय- देना है तो दीजिए जनम जनम का साथ)
बाबा एकर तो दरबार में, बुलाय लीजै रे-२,
हो बाबा, थांस्यू आस लगी है, मत ना तोड़ दीजै रे।।
जद म्हारी मनता पूरी हुवे, पैदल थांरे आऊं, हो बाबा….
म्हारी मनशा द्वारै आई हो…. पूरी कीजै रे…।।
जद-जद सुगणां तनै पुकारे, दोड्यो दोड्यो आवे, हो बाबा….
म्हारी तो अरदास है बाबा, हो शरण में लीजे रे।।
दुःखियां रा दुख दूर करे तू, हंस कर गले लगावै,
हो बाबा.
म्हांरी तो विनती है बाबा… हो दर्शन दीजै रे।।
जद-जद थांरो मेलो आवे, तब-तब मन में आवै, हो बाबा….
भक्त थांरे द्वारे आयो हो, कृपा कीजै रे।।