यह विवाह गीत है जो शादी, मांगलिक कार्यक्रमों और पारिवारिक उत्सवों में गाया जा सकता है। A traditional wedding song for marriage ceremonies and family celebrations.
चन्दन भरिया कुंपला
सखी अगड़ चंदन रा भरिया कुंपलाजी, सखी केशर मोत्यां भरणी सीक, बधावो जी बाजत म्हे सुण्योजी, सखी बाजे बाजे नाभि राजा री पोळ, जठै मोर्चों मंडायीयोजी। सखी धन्य धन्य मोरादेवी री कूख, जठै आदिनाथ स्वामी जन्मीयाजी सखी आदिनाथ स्वामी मोटा छ देव, म्हारै आद हिलावण देवताजी ।। १।।
सखी बाजे-बाजे समुद्रविजयजी री पोळ, जठै मोरचो मंडायीयोजी । सखी धन्य-धन्य शिवाादेवी री कूख, जठै नेमीनाथ स्वामी जन्मीयाजी सखी नेमीनाथ स्वामी मोटा छ देव, म्हारै राजुल तारण देवताजी ।। २ ।।
सखी बाजे-बाजे अश्वसेन राजा री पोळ, जडै मोरचो मंडायीयोजी, सखी धन्य-धन्य वामादेवी री कूख, जठ पार्श्वनाथ स्वामी जन्मीयाजी, सखी पार्श्वनाथ स्वामी मोटा छ देव, म्हारे पशु छुड़ावण देवताजी ।। ३।।
सखी बाजे-बाजै सिद्धार्थ राजा री पोळ, जठै मोरचो मंडायीयोजी, सखी धन्य-धन्य त्रिशलादेवी री कूख, जठै महावीर स्वामी जन्मीयाजी, सखी महावीर स्वामी मोटा छ देव, म्हारै तीर्थ थापण देवताजी ।। ४।।
सखी बाजे-बाजे झूमर मलजी री पोळ, जठै मोरचो मंडायीयोजी, सखी धन्य-धन्य नेमादेवी री कूख, जठै महाश्रमण जी जन्मीयाजी, सखी महाश्रमण मोटा छ पूज्य, म्हारै पाट दिपावण पूज्य है जी, म्हारे सूत्र सुणावण पूज्य है जी।। ५।।