यह विवाह गीत है जो शादी, मांगलिक कार्यक्रमों और पारिवारिक उत्सवों में गाया जा सकता है। A traditional wedding song for marriage ceremonies and family celebrations.
म्हारे बाला री ब्याहण ज्योत
म्हारे बाला री ब्याहण जोत, प्रभात्यो तारो उगियो।
तारो उग्यो मोरादेजी री कुख, जटै आदिनाथ स्वामी जन्मिया,
आदिनाथ स्वामी मोटा छै देव, म्हारे आद हलावण देवता जी।।१।।
म्हारा बाला री व्याहण जोत, प्रभात्यो तारो उगियो।
तारो उग्यो अचिरादेजी री कूख, जठै शांतिनाथ स्वामी जन्मिया, शांतिनाथ स्वामी मोटा छे देव, म्हारे रोग मिटावण देवताजी।
शांतिनाथ स्वामी मोटा छे देव, म्हारे शांति करावण देवताजी।।२।।
महारै बाला री ब्याहण जोत, प्रभात्यो तारो उगियो।
तारो उग्यो सेवादेजी री कूख, जठे नेमीनाथ स्वामी जन्मिया,
नेमीनाथ स्वामी मोटा छे देव, म्हारै राजुलतारण देवताजी ।।३।।
महारै बाला री ब्याहण जोत, प्रभात्यो तारो उगियो। तारो उग्यो बामादेजी री कूख, जठै पारसनाथ स्वामी जन्मिया,
पारसनाथ स्वामी मोटा छे देव, म्हारे पशु रे छुड़ावण देवताजी ।।४।।
म्हारे बाला री ब्याहण जोत, प्रभात्यो तारो उगियो।
तारो उग्यो त्रिशलादेजी री कूख, जठै महावीर स्वामी जन्मिया। महावीर स्वामी मोटा छे देव, म्हारै तीर्थ थापण देवताजी।
महावीर स्वामी मोटा छे देव, म्हारै आगम प्ररूपण देवता जी।।५।।
म्हारै बाला री ब्याहण जोत, प्रभात्यो तारो उगियो।
तारो उग्यो नेमादेजी री कूख, जठै महाश्रमण स्वामी जन्मिया, महाश्रमण जी मोटा छै पूज्य, म्हारै पाट दीपावण पूज्यजी।
महाश्रमण जी मोटा छै पूज्य, म्हारै सुतर सुणावण पूज्यजी।
महाराजसा मोटा छे पूज्य, म्हारे प्रेक्षाध्यान कराईयाजी ।।६।।
तारी ऊग्यो माऊजी री कूख, जठै (घरां का नाम) जन्मिया, भायां भायां रो मोटो छै मैल, साधांरी सेवा घणी करैजी।
मानिवत्यां है स्वामी मोटा छे देव, म्हारै राजुलतारण देवताजी।।७।।
(अपने परिवारवालों के नाम लेकर गीत गावें)