रामदेवजी का गीत
राम सा गई गई कोस पचास, नेडो नहीं दिस्यो देवरो महाराज ।
रामसा चाकी म छोड्यो चून, जावा म छोड्यो पीसणो महाराज ।
रामसा चुल्ह पर छोड़ी खीर, खीराम छोड्यो खीचड़ो महाराज ।
रामसा गोरया म छोडी गाय, बाछ्या तो छोड्या चूंगता महाराज ।
रामसा सेज्या म छोड्या श्याम, टाबर छोड्या रोवता महाराज ।
रामसा गई गई कोस पचास, नेड़ो नही दिस्यो देवरो महाराज ।
रामसा दिनी दिनी रामसा री धोक, घरां न पाछी बावडी महाराज ।
रामसा चाकी म लाघ्यो चून, जावा म लाधो पीसणों महाराज ।
रामसा चुल्ह पर लाधी खीर, खीरा मं लाधो खीचडो महाराज ।
रामसा गोरया म लाधी गाय, बाछातो लाधा चूंगता महाराज ।
रामसा सेज्यां म लाधा श्याम, टाबर लाधा खेलता महाराज ।