महाप्रज्ञ जन्म दिन प्यारो
लय : कठै स्यूं आई सूं………
क्यूं तेरस आज मनावां, क्यूं हर्ष बधावा गावां।
क्यूं झूम झूम गुण गावां, बतलाओ भायां बायां ॥
१. महाप्रज्ञ जन्म दिन प्यारो, तेरस रो तेज सितारो। चमक्यो तेरापंथ तारो, मिल गीत मंगल गावां ॥
२. कुण माता नन्दन जायो, कुण भगिनी लाड लडायो। किण कुल पर कलश चढ़ायो, बतलाओ भायां बायां ॥
३. बालू माता सुत जायो, मालूजी लाड लडायो। कुण गहरी करी समीक्षा, बतलाओ भायां बायां ॥
४. किण कर स्यूं लीन्ही दीक्षा, भै किण स्यूं पाई शिक्षा। चोड़रिया कुल चमकाया, मिल गीत मंगल गावा ॥
५. कालू कर लीन्ही दीक्षा, तुलसी मुनिवर स्यू शिक्षा। तुलसी गणि करी समीक्षा, मिल गीत मंगल गावां ॥
६. दसवां आचारज प्यारा, औ गणिवर हार हियारा। जीवन पथ रा उजियारा, आनन्द धन उमड़ावा ॥
प्रभु जय जयकार वरीज्यो, म्हारी रिछपाल करीज्यो। शासन भंडार भरीज्यो, चरणां में शीश झुकावां ॥ ७.