सांवरिया रो नाम
लय : इक परदेशी…..
रात री अन्धेरी में जो जाप करैला ।
सांवरियो रो नाम लियां काम सरैला ॥
१. साचै मन स्यूं नाम लियां, जोश घणो जागै है.
डरनै रो काम कांई. बोलतां भय भागै है।
श्रद्धा री नाव आपो आप तरै ला ॥
२.सपनो साकार हुयो, सिंह बण गूंज्यो,
बैरी विरोधी दोनूं, संत जियां पूज्यो।
आपरो आधार ही तो कष्ट हरैला ॥
३. पाली रो बाजार खाली, बोलो कियां मानल्यां,
भक्तां रो वास नहीं, बोलो कियां जाणल्यां।
सन्ता रो अपमान कर्यां पाप भरैला ॥
४. कष्टां रो पहाड़ झेल्या, बणकर हाथी,
भारीमाल खेतसी सा, मिलग्या हा साथी।
होसी कल्याण साचो ध्यान धरै ला
५. राख्यां विश्वास करसी, पार थांनै सांवरियो,
अन्तिम प्रवास ठायो, सिरियारी में सांवरियो
तेरस रो त्यौहार मन में, जोश भरैला ॥