-: बाबै नै मनावां :-
लय : मेघो छोटो सो …………..
बाबै नै मनावां गावां गीत गण रा,
भिक्षु नै बुलावां गावां गीत प्रण रा,
आओ आरती, आओ आरती उतारां आपां आज,
जय जय जय भिक्षु ॥
१. सिरियारी रो संत म्हारै हिवड़े बसै,
देवै मीठी मीठी धीमी सी आवाज।
जय जय जय भिक्षु ॥
२. अंधेरी ओरी रो इतिहास बणग्यो,
चमक्यो देव सुण आपरी ओगाज।
जय जय जय भिक्षु ॥
३. बाबै रो बोयोड़ो बीज कित्तो फलग्यो,
खावां मीठा-मीठा, फल आपां आज ।
जय जय जय भिक्षु ॥
४. कष्टां री कहाणी सुण्यां, धूजणी छूटे,
तेरापंथ पर सगला ने नाज।
जय जय जय भिक्षु ॥
नाम में अपार शक्ति भक्ति जागे,
आओ आओ नी पधारो भिक्षुराज।
जय जय जय भिक्षु ॥