यह विवाह गीत है जो शादी, मांगलिक कार्यक्रमों और पारिवारिक उत्सवों में गाया जा सकता है। A traditional wedding song for marriage ceremonies and family celebrations.
मेंहदी-१
मेंहदी जी बावण राजुल गई, कोई बायी बायी बालू रेत,
मेंहदी म्हारी रंग राची
मेंहदीजी सिंचण राजुल गई, कोई सींची-सींची काचै दूध,
मेंहदी म्हारी रंग राची
मेंहदीजी रुखालण राजुल गई, कोई छोटकीयो देवर म्हारै साथ,
मेंहदी म्हारी रंग राची।
मेंहदीजी चुंटण राजुल गई, कोई छोटकिया नणंद म्हारे साथ,
मेंहदी म्हारी रंग राची।
बाईसातो तोड्या दोय पानड़ाजी कोई मैं रे गुडाया चोसठ पान,
मेंहदी म्हारी रंग राची।
ल्याय उतारी चंदन चौक में जी, कोई चौक रह्यो घरणाय।
मेंहदी म्हारी रंग राची।
छाजांरी छाया सुखाय लीजी, कोई सोहन छाज बिछाय,
मेंहदी म्हारी रंग राची।
घमक घटुल्ये मेंहदीजी पिसल्योजी, कोई झिणै झिणै कापड मेंहदी छाण,
मेंहदी म्हारी रंग राची।
बाईसा लगाया पांचूं पेरवाजी, कोई राजुलरा मांड्या दोन्यूं हाथ,
मेंहदी म्हारी रंग राची।
बाईसा दिखाया आपरी माय नेजी, कोई नेमजी चढ्या गिरनार,
मेंहदी म्हारी रंग राची।
पेलीजी पेड़ीपग धर्याजी, कोई झबरक दिवलो राणी रै हाथ,मेंहदी म्हारी रंग राची।
दूजी जी पेड़ी पग धर्योजी, कोई भोजन री थाली राणी रै हाथ,
मेंहदी म्हारी रंग राची।
अगणीजी पेड़ी पग धर्योजी, कोई जलभर झारी राणी रै हाथ,
मेंहदी म्हारी रंग राची।
चोथी जी पेड़ी पग धर्योजी, कोई गहनां रो डब्बो राणी रै हाथ,
मेंहदी म्हारी रंग राची।
पांचवी जी पेड़ी पग धर्योजी, कोई बेसां रो बुगचो राणी रै हाथ,
मेंहदी म्हारी रंग राची।
छट्ठी जी पेड़ीपग धर्योजी, कोई लाडवां रो थाल राणी रै हाथ,
सातवीं जी पेड़ी पग धर्योजी, कोई नेमजी चढ्या गिरनार,
नेम गिरनारा चढ़ गयाजी, कोई राजुल मुगत्यां रै माय,
मेंहदी म्हारी रंग राची।
राजुल थांरो कांचळो (ब्लाउज) ए बाई, बेंत्यो मंगलवार,
मेंहदी म्हारी रंग राची।
ना पेर्यो ना सांवट्योजी, कोई रह गयो दर्जीडा री हाट,
मेंहदी म्हारी रंग राची।
नेमजी थांरो मोलियोजी (बागो) कोई, रंग्यो-रंग्यो बार मंगलवार,
ना बांध्यो ना सांवट्योजी, कोई रह गयो मोडीड़ारी हाट,
मेंहदी म्हारी रंग राची।
मेंहदी म्हारी रंग राची।