यह विवाह गीत है जो शादी, मांगलिक कार्यक्रमों और पारिवारिक उत्सवों में गाया जा सकता है। A traditional wedding song for marriage ceremonies and family celebrations.
मेंहदी-२
मेंहदी बांट सिलावटै, कोई ज्यू रंग दूणी होय। मेंहदी दयोनी सूरज जी रै हाथ, मेंहदी म्हारी राचणी।
मेंहदी दयोनी चांदोजी रै हाथ, मेंहदी म्हारी राचणी ||१|| मेंहदी दयोनी विनायक जी रै हाथ, मेंहदी म्हारी राचणी। मेंहदी दयोनी देवी देवता रै हाथ, मेंहदी म्हारी राचणी ।।२।।
हाथा मेंहदी राचणी, चन्दु बाई रो चुड़लो हाथ।
सेज बिछायल्यो जी काशबजी रा सींव, मेंहदी म्हारी राचणी।
सेज बिछायल्योजी बिरमाजीरा सींव, मेंहदी म्हारी राचणी ।।३।।
कड़यां कटारो बांकड़ो ए गोरी म्हैं परदेशी लोग।
थे ही बिछायल्यो ए सजनां री धीव, मेंहदी राचणी।
सेज बिछाल्योनी (Nam )सारा सींव मेंहदी राचणी ।।४।।