यह विवाह गीत है जो शादी, मांगलिक कार्यक्रमों और पारिवारिक उत्सवों में गाया जा सकता है। A traditional wedding song for marriage ceremonies and family celebrations.
सतरंगी जाजम
सतरंगी जाजम ढाळो जी कोई, आज म्हारे आंगणे। नवरंगी जाजम ढाळो जी कोई, आज म्हारे आंगणे ।
ध्रुव ।। सुसरोजी नै बेग बुलावो जी काई, आज म्हारे आंगणै।
थांरी कुल बहू करी अठाई जी कोई, आज म्हारे आंगणै।
अठाई रा हरख करावो जी कोई, आज म्हारे आंगणै। , अठाई रा जीमणकरावो जी कोई आज म्हारे आंगणै ||1|| सासुजी नै बेग बुलावो जी कोई, आज म्हारे आंगणै।
थांरी कुल बहू करी अठाई जी कोई, आज म्हारे आंगणै। नारियल की बोरया मंगावो जी कोई, आज म्हारे आंगणै।
कोई सगळ शहर बंटावो जी कोई, आज म्हारे आंगणै।।2।।
बाईसा नै बेग बुलावो जी कोई, आज म्हारै आंगणै।
थांरी भावज करी अठाई जी कोई, आज म्हारै आंगणै।
थे फिर घिर साता पूछो जी कोई, आज म्हारै आंगणै ।।3।।
पापाजी नै बेग बुलावो जी कोई, आज म्हारै आंगणै।
मम्मीजी नै बेग बुलावो जी कोई, आज म्हारै आंगणै।
थांरी धिवड़ करी अठाई जी कोई, आज म्हारै आंगणे।।4।।
बीरोसा नै बेग बुलावो जी कोई, आज म्हारे आंगणै।
भोजाई नै बेग बुलावो जी कोई, आज म्हारै आंगणै।
थांरी बैनड़ करी अठाई जी कोई, आज म्हारे आंगणै ।।5।।
साड्यांरी पोट मंगावो जी कोई, आज म्हारै आंगणै।
मिश्री रा कुंजा मंगावो जी कोई, आज म्हारे आंगणै।
फोनां में साता पूछों जी कोई, आज म्हारे आंगणै ।।6।।
मारूजी नै बेग बुलावो जी कोई, आज म्हारे आंगणै।
थांरी गोरीधण करी अठाई जी कोई, आज म्हारे आंगणै। मोहरां स्यूं मूंठ भराओ जी कोई, आज म्हारे आंगणै |17||