यह सरस गीत संग्रह का एक भजन है — पारंपरिक भक्ति की धरोहर। A devotional song from the Saras Geet collection.
तर्ज (Tune): अपने पिया की
भजन के बोल / Lyrics
चमकै दुनियाँ में देखो, लाडनूं रो हीरो ओ…
चमकै दुनियाँ में देखो, लाडनूं रो हीरो
ओ लाडनूं रो हीरो लाडांजी रो वीरो,
देखो लाडनूं रो हीरो चमकै..
देखण नै लोग आवै, हिन्दुस्तान स्यूं, इटली ताइवान स्यूं, लंदन जापान स्यूं और सकल जहान स्यूं, देखन लाडनूं रो हीरो ॥ स्थायी ॥
सूरज जिस्यो चमचमाचम, चमकै भाल आं रो-२
एक बार जो आवे नैडो, दास बणै चरणां रो।
हो गुरुवर.. लागै भक्तां नै, प्यारा भगवान ज्यूं,
आवै हिन्दुस्तान स्यूं और सकल जहान स्यूं,
देखण लाडनूं रो रीरो .. ॥१ ॥
चन्दना नै वीर मिल्या और शबरी नै ज्यूं रामजी-२
म्हानै तुलसी स्वाम मिल्या है, फलग्या म्हारा कामजी।
हो गुरुवर कियां बतलावां,
खुशियां म्हे जबान स्यूं, देखण लाडनूं रो हीरो .. ॥२॥
कुरु क्षेत्र म अर्जुन रथ रा, कृष्ण बण्या हा सारथी-२
आप सारथी तेरापंथ रा, करां मुदित मन आरती।
हो गुरुवर.. मिलकर म्हे, करां अर्चना संगान स्यूं, आवै हिन्दुस्तान स्यूं और सकल जहान स्यूं, देखण लाडनूं रो हीरो .. ॥३॥