पाँच मोहर को साहिबा पिळो रंगावो जी
हाथ बतीसी गज बीसी गाढा मारू जी
पिळो रंगावो जी

दिल्ली सहर से साईबा पोत मंगावो जी
जैपर का रंगरेज बुलावो गाढा मारू जी
पिळो रंगावो जी

पिला तो पल्ला साईबा बन्धन बन्धाऊँ जी
अध बीच चाँद चपाऊँ गाढा मारू जी
पिळो रंगावो जी

रंग्यो ऐ रंगायो जच्चा होया संजोतो जी
पण बेरे माएं पकडायो जी गाढा मारूं जी
पिळो रंगावो जी

पिळो तो औढ़ म्हारी जच्चा पाटे पर बैठी जी
दयोराणी जेठाणी मुखड़ो मोड्यो गाढा मारूं जी
पिळो रंगवो जी

पिळो तो औढ़ म्हारी जच्चा सर्वर चाली जी
सारो ही सहर सरायो गाढा मारू जी
पिळो रंगावो जी

pilo marwadi namkaran geet:

Pīḷo raṅgāvo jī / Rājasthānī
Pāňc mohar ko sāhibā pīḷo raṅgāvo jī
Hāth batīsī gaj bīsī gāḍhā mārū jī
Pīḷo raṅgāvo jī

Dillī sahar se sā’ibā pot maṅgāvo jī
Jaipar kā raṅgrej bulāvo gāḍhā mārū jī
Pīḷo raṅgāvo jī

Pilā to pallā sā’ibā bandhan bandhāū jī
Adh bīc chāṅd chapāū gāḍhā mārū jī
Pīḷo raṅgāvo jī

Raṅgyo ai raṅgāyo jaccā hoyā saṅjoto jī
Paṇ bere mā’eẏ pakaḍāyo jī gāḍhā mārū jī
Pīḷo raṅgāvo jī

Pīḷo to auṛh m’hārī jaccā pāṭe par baiṭhī jī
Dayorāṇī jeṭhāṇī mukḥṛo moḍyo gāḍhā mārū jī
Pīḷo raṅgāvo jī

Pīḷo to auṛh m’hārī jaccā sarvar chālī jī
Sāro hī sahar sarāyo gāḍhā mārū jī
Pīḷo raṅgāvo jī