बतीसी गीत
(लय-मिलो न तुम हम घबराये)
बतीसी ल्याया, नूतण आया मंड्यो भाणेजोरो ब्याव बीरोसा आओ आंगणे, भावज आओ आंगणे ,
माँ का थे जाया बीरा भतीजा न लाईजो घणे मान सू, कुटुम्ब कबीलो साग भात भराइजो घणे शान सू
चुनड़ लाइजो, तारा जड़ाईजो ओढ़ कराला नाज
बीरोसा आओ आंगणे ——
हाथा में हथफूल लाजो ,कमर में लाजो सोने री तागड़ी बहनोई ने थे बीरा पहनाइजो कुसूमल पागड़ी
गाँव सरावे, सासुजी सरावे ऐसो करीजो थे काज
भाणिये री थे ल्याजो पोशाक सगुना री साथ हो
हीरा रो जड़ियो, कमरबन्धो, लियाइजो हाथो हाथ हो
घोड्या गवाइजो, केसर बंटाइजो, प्रेम बढाइजो हो
बरसा सू बाट जोवता है आज रो शुभ दिन आयो
देवा हा नूतो भाई, राखिजो मान सवायो
गाजा बाजा लेकर आइजो लाइजो सो परिवार