ओछब-मोछब
१. आज शहर में ओछब मोछब, तैतीस करोड़ देवी-देवता जोयबा नै आया।
देवतां रै पैरण राता चरणा, राता चरणा कुमकुम वरणा, आज म्हारै आदिनाथ देव पधारिया जी।
रो-रो स्वामी पोळ चिणाय, म्हारै आद हिलावण देवता जी।।
२. आज शहर में मंगळ मोछब, तैंतीस करोड देवी-देवता जोयबा नै आया।
देवतां रै पैरण पीळा चरणा, पीळा चरणा पीताम्बर वरणा, आज म्हारै नेमीनाथ देव पधारिया जी।
रो-रो स्वामी पोळ चिणाय, म्हारै राजुल तारण देवता जी।।
३. आज शहर में ओछब-मोछब, तैंतीस करोड़ देवी-देवता जोयबा नै आया। देवता रै पैरण हरिया चरणा, हरिया चरणा सूआ वरणा।
आज म्हारै पार्श्वनाथ देव पधारिया जी।
रो-रो स्वामी पोळ चिणाय, म्हारै नाग-नागण छुडावण देवता जी ।।
४. आज शहर में अंगळ-मंगळ, तैंतीस करोड़ देवी-देवता जोयबा नै आया।
देवता रै पैरण काळा चरणा, काळा चरणा कोयल वरणा, आज म्हारै महावीर स्वामी पधारिया जी।
रो-रो स्वामी पोळ चिणाय, म्हारै तीरथ थापण देवता जी।।
५- आज शहर में ओछब-मोछब, तैतीस करोड़ देवी-देवता जोयबा नैं आया। देवतां रै पैरण धोळा चरणा, धोळा चरणा दूधां वरणा,
आज म्हारै महाश्रमण पूज्य पधारिया जी।
महाश्रमण जी मोटा है पूज्य, म्हारे पाट दिपावण पूज्य जी ।।
□□□