(लय- झिलमिल सितारों का आंगन होगा)
गौवरा थाणे आंगनिये में आणो पडसी
बन्दोला री रीत निभाणी पडसी
संग री सहेलियां साथे लाणों पडसी
बन्दोला री रीत निभाणी पडसी
गवरल थाणे आंगनिये में आणो पडसी…
आओ नी दादीजी म्हाने देओ नी बधाई,
रिमझिम रिमझिम करती गवरा बाई आई,
जो पाटे ऊपर गवरल ने बेठानो पडसी
रुपया सूं खोल भराणी पडसी
गवरल थाणे आंगनिये में आणो पडसी…
पूजण वाली सखियां गवरल लाड-लडावे,
नाचे और गावे सगला, मौज मनावे
गवरल ने गीत सु रिझानो पडसी
फुलडा सु गवरल ने संजोनो पडसी
गवरल थाणे आंगनिये में आणो पडसी…
पूजा थाने गवरा बाई लेके थारो आसरो,
पीवर सलामत राखी, चोखो चोखो चाहिजे सासरो ईसरजी ने साथे गवरा लाणों पडसी
लाडकोड सु गवरल ने पूजनो पडसी
गवरल थाणे आंगनिये में आणो पडसी…