तर्ज: चिरमी रा डाळा च्यार
सरस्वती वन्दना
थानें मनाऊँ माँ शारदे, थानें मनाऊँ माँ शारदे। ओ म्हारा घट रा पट दो खोल, जय-जय शारद माँ ।।
पूजा हिलमिल म्हें करां, पूजा हिलमिल म्हें करां, ओ थारी घणी रे करां मनवार, जय-जय शारद माँ।।
थारी उतारां माँ आरती, थारी उतारां माँ आरती ओ थारें भेंट करूं फूलमाळ, जय जय शारद माँ।।
थांरी किरपा सूं सब हुवे माँ, थांरी किरपा सूं सब हुवे माँ, ओ म्हारों बेड़ो रे लगा दीज्यो पार, जय-जय शारद माँ।।
अज्ञानी ने ज्ञान दो माँ, अज्ञानी ने ज्ञान दो माँ ओ माँ मूरख सूं मिनख बणाय, जय-जय शारद माँ।।