झाला
सगलो तो ल्यायो रोकड़ों जीओ राजभंवरजी, ल्याया नही उधार, बिन्याकजी म्यू विनती जी ओ राजभंवरजी, पेली आप पधार क, गोरीरा पिव पातलीया ओ राज भंवरजी, झाला ले घर आय ।
१। बिन्यायकजी र जांवती जाओ राज भंवरजी, नितरो दिवलो जोय । कंबर परणाऊँ लाडलो जोओ राज भंवरजी, ऊजलो सावा कार्ड क गोरी रा ऊँचो सिंगासण आपरो जीओ राजभंवरजी, रेशम गादी बिछाय । बिन्यायकजी स्युं बिनती जिओ राज भवंरजी, रिद्दी सिद्दी साथ लाय क, गोरी रा.. सूरज पूजण म्हें गई जीओं (राज) ले गुगल ले धूप ।
घड़ी एक मोडो ऊगतो जीओ (राज) राजिंद निरखे रूप क, गोरी रा… ।४।
म्हला म माथो न्हावीयो जी ओं (राज) शिशि मे नही म्हार तेल ।
आप पधाऱ्या चाकरी जी ओ (राज) कुण किनाव म्हान तेल क, गोरी रा… ।५।
मति जावो गोरी वापर जीओं (राज) कारण नहीं है खास ।थे रेवो बठ मोज म जीओ (राज) म्हे रेवा उदास क, गोरी रा … ।६।
नही म्हे सोवा डागल जीओ (राज) हवा थंडी गार ।
मिस्टर सूजर बोलती जोओ (राज) बाई जीरों कारोबार क, गोरी रा झिरमिर झिरमिर मेह बरस जीओं (राज) हुई अंधेरी रेण ।
ध्यान दिया नही सायबा जी ओ (राज) बोल रही थाकी बेंन क, गोरी रा… ।८।
फलका तो म्हे पोवती जीओ (राज) पोई जेटम जेट
दिवर जिठाण्या लड़ी घणी जी ओ (राज) भूखा रेग्या सेठ क, गोरी रा … ।९
पतला पतला फलका कर्या जीओ (राज) दोय जणा बीच आठ
राजींद भेल जिमता जीओ (राज) वाई जी रो दुखः पेट क, गोरी रा … ।१०।
साड़ी भारी पोतकी जीओं (राज) तारा की काडी बेल ।
घडी दोय म्हला म पेरती जीओ (राज) खुशी हुया है छेल क, गोरी रा … ११। घी बरताऊँ तोलवा जीओ (राज) पापड़ तलूं पचास ।
बेटो परणीज लाडलो जीओ (राज) माता कर मिजाज क, गोरी रा..
. १२फुल गुलाबी ओढणो जी ओ (राज) छांट पड्यारंग जाय । राजींद रो काई रुसणो जीओ (राज) सांज पडया मन जाय क. गोरी रा./१3
मेदी भरीयो बाट को जीओ (राज) लिख लिख मांड्या हाथ लिखणों पढ़णों छोडदयो जिओ (राज) निरखो गोरीरा हाथ क, गोरी रा
१४छ छल्ला छ मूंदड़ी जीओ (राज) छल्ला भरी परात ।
एक छल्ला र कारण जीओ (राज) छोड्या माय र बाप क, गोरी रा… ।१५।
दाल चावल की करी रसोई जीओ (राज) टमाटर रो साग ।कादा रो काई खावणो जीओ (राज) मुंडा री आव बास क, गोरी रा… ।१६।
महला फोड़ी काकडी जीओ (राज) झरोका ड़ाल्या बीज
वेगा आई जो सायबा जी ओ (राज) पेलीं सावण री तीज क, गोरी रा… १७
चार खुणारी चीथरी जीओ (राज) जीस पर कतरु पान ।
कतर कतर बीड़ला करु जीओ (राज) चाबो चवर सुजान क, गोरी रा… ।१८।
चार खुणारी बावडी जींओ (राज) गुदलो पाणी होय ।
दोय गोरो रा सायवा जीओ (राज) रातूं झगड़ो होय क, गोरी रा … ।१९।
चार खुणारी बावड़ी जीओ (राज) बिरो उजलो नीर ।
आपा दोन्यू न्हावश्यां जीओ (राज) सगी नणद रा बीर क, गोरी रा ।२०।
काली हांड़ी कांच की जीओ (राज) माय कमल को फूल ।थांकी सेजा जब चढूं जीओ (राज) फूल करो कबूल क, गोरी रा … ।२१।
प्रेमनगर का पावणा जी ओ (राज) हृदय थांको विशाल ।
हृदयम म्हान जग्या देवो जीओ (राज) राखो म्हारो ख्याल क, गोरी रा ।२२।
घणा दिना सुं गांवती जीओ (राज) पिया मिलन का गीत ।आयो समय सुहावणो जीओ (राज) जुड़ी आपणी प्रीत क, गोरी रा … । २३।
म्हे एक कोमल पांखडी जीओ (राज) थे गुलाब को फुल ।म्हाने निभाकर चालजो जी ओ (राज) वचन न जाज्यो भूल क, गोरी रा … ।२४।
धन की भूखी म्है नही जीओ (राज) प्रेम सुं करजो बात ।
रुखी सूखी खावश्यां जीओ (राज) छोडन दिज्यो साथ क, गोरी रा …। २५ ।
कागद लिखूं प्रेम सुं जीओ (राज) अद बिच लिखूं प्रणाम ।वेगा आजो सायबा जीओ (राज) नही तो छोंडूं प्राण क
, गोरी रा…। २६ ।
कच्ची सुपारी कच कची जीओं (राज) कुचका बोल्यां बोल ।
हम परदेशी पावणा जीओ (राज) हंस कर घुंघट खोल क, गोरी रा …. साडी मंगाई केस जीओ (राज) रुपीया लाग साठ । ।२७
नही ल्याया गोरीरा सायबा जीओ (राज) गोरी हुई नाराज
क, गोरी रा
आलो भरीया खोंपरा जीओ (राज) खिडकी भरी बिदाम गोरी चाली बापक जीओ (राज) राजीद कर सलाम क, गोरी रा… ।२९।
रतन जडायो पोलको जीओ (राज) घडी येन खोल्यो जाय ।
आप सरीसा सायबा जीओ (राज) घडीयन छाड्या जाय क, गोरी रा३०
महला महलां म्हे फिरु जीओ (राज) खुंट्या टंगियो कोट ।
म्हे म्हारा पिवजीर लाडली जीओ (राज) नितरा देव नोट क, गोरी रा… ॥३१॥
घडीयां म्हारा हातम जीओ (राज) बजगई साड़े आठ ।
लिखता लिखता सो गई जीओ (राज) रे गई मनरी बात
क, गोरी रा अंग्रेजी भाषा में केव जीओ (राज) भितन केवे बॉल ।
बेगा आई जो सायबा जीओ (राज) कराउँला लॉईटींग काल क, गोरी रा…।॥३३॥
हारीयो बगीचो सुहावणों जीओ (राज) कोयल बोल बोल ।गोरी मेलम कोई नही जीओ (राज) अब तूं घुंघट खोल क, गोरी रा… ।३४।
म्हे बाबुलरी लाड़ली जीओ (राज) मायड़ जनम देवाल ।
अब ये म्हारा देवता जी ओ (राज) लिज्यो म्हाने संभाल क, गोरी रा १३५।
मै दीपक री वात हूँ जीओ (राज) थे दिपकरो तेल ।
म्हे प्रेम की जोत जगावश्यां जीओ (राज) कर हिरद को मेल क, गोरी रा… ॥३६।
सोना रुपारों कांठलो जीओ (राज) उलट पुलट होय जाय ।सासुजो थांका डिकरा जी ओ (राज) बोल बोल नट जाय क, गोरी रा… ।३७
पाणी पडियो धड़ां धड़ां जीओं (राज) हवा ठंडी गार ।
(निधी) आई माँडव जीओ (राज) कंबर घाल्यो हार क, गोरी रा ।३८।
चमचा सुं आईसक्रीम खावती जीओ (राज) बरफ ठंडी गार ।
बनडी आई सोंडव जीओ (राज) कंवरजी घाल्यो हार क, गोरी रा … माय रंगायो पोमचो जीओ (राज) नानी बंधण बंधाय । ।३९।
राजिन्द कहे गोरी ओढल्यो जीओ (राज) सासु सेख्यां खाय क, गोरी ररा… ।४०
जैपुर क बाजार में जीओ (राज) चार लुगांयां जाय ।
दीय गोरी दीय सांवली जीओ (राज) दोय दोय फलका खाय क, गोरी रा ८४
डूंगर ऊपर डूंगरी जीओ (राज) जिसपर बैठ्यो मोर ।
मोर विचारो कार्ड कर जीओ (राज) राज बाब चुगली खोर क, गोरी रा …
जयपुर के बाजार में जीओ (राज) शेष कबुतर जाय ।
बीटी देर उडावती जीओ (राज) जोड़ो बिछड़ जाय क, गोरी रा..
.घेबर भरियो बाटको जीओ (राज) टपकण लाग्यो घीव । गोरी चाली वापर जीओ तरसन लाग्यो जीव