कठे स्यूं आई सूंठ कठ स्यूं आयो जीरो
कठ स्यूं आयो ए म्हारो मां को जायो बीरो
दिल्ली स्यूं आई सूंठ, जैपुर स्यूं आयो जीरो
बम्बइ स्यूं आयो ए म्हारो मां को जायो बीरो ।
आ क्या में चइय सूंठ ओर क्या मं चइय जीरो
ओर क्याम चहीय ए थारो मां को जायो बीरो
आ क्या म राखूं सूंठ और क्या में राखु जीरो
और कठे उतारुं ए थांरो जामण जायो बीरो
डब्बे मं राखु सूंठ शीशी म राखूं जीरो
महलां म उतारो ए म्हारो मां को जायो बीरो
लाडु में चइय सुंठ, सागां म चइय जीरो
ओर मायरो भरण न चइय म्हारो मां को जायो बीरो
आ ढुल गई सूंठ, बीखर गयो जीरो
ओ रुस गयो ए थारो मां को जायो बीरो
उठाय लेस्यां सूंठ चुगाय लेस्यां जीरो
मनाय लेस्यां ए म्हारो मां को जायो बीरो ।