पचरंग फागणियो रङ्गादे होली खेलन ने
पचरंग फागणियों -2
-पहलो तो रंग म्हारा सुसरोजी न्यारा २
लाड लडायो म्हानै बाबुल को रे, पचरंग फागणियो–
दूसरो तो रंग म्हारा सासुजी प्यारा-2 ,याद भुलायी म्हान मायड़ री , पचरंग फागणियो–
तीसरो तो रंग म्हारो देवर प्यारो ,
काजलियो रे ,म्हारे नेणारो, पचरंग फागणियो–
चौथो तो रंग म्हारो नणदल बाई प्यारा
कोयलड़ी रे म्हारा बागा री, पचरंग फागणियो–
और पूरो रंग म्हारा साजन प्यारा,
बसिया है म्हारे हिवड़े में ,पचरंग फागणियो–