Badhawo(बधावो)
साहिब ऊंची सी मेड़ी र रयी जठ दिवलो जग रे मझाल जी,
कसुबल बीर बधावणा जठ हिंगलु सो ढ़ोलीयो ढ़ालीयो, जठ दल बादलरी मसोड़ जी, कसंबल बीर जठ जाय (लड़की के पिता का नाम)पौढ़िया
बान आई छ सुख भर नींद जी, कसुबल बीर बारी गोर्या तो जाय जगाइया,
साहेबा थे क्यूं सुत्या नचीत जी, कसुंबल बीर बाई बनड़ी परणाई मेली सासर गोरा,
बीरा रा भेल्या नारेल जी, कसुंबल बीर … ***
(सीख का गीत )
जी म्हे थान पुछा म्हारी कंवर बाई, जी इतरो दादाजी रो हेत
छोड़र बाई सीध चाल्या
जी आयो सगां रो सुबटो जी लेग्यो टोली में स्यूं टाल, कोयलड़ी अध भोली जी
आयो परदेशी सुवटो जी लेग्यो टोली म स्यूं टाल,
कंवर बाई सीध चाल्या जी
म्हें थान पुछां म्हारी कंवर बाई जी इतरो बाबाजी रो हेत, छोड़ र बाई सीध चाल्या (इस तरह पापा काका भैया सभी नाम लेणा)
**
(सीख का गीत )
आम्बा जी पाक्या आम्बली जी मेवड़ला लुल लुल जाय कोयलड़ी सिध चाली जी
म्हे थान पुछा म्हारी कंवर बाई जी इतरो बाबाजी रो लाड छोडर बाई सिध चाली जी
आयो सगा रो सुवटो, जी लेग्यो टोली मा स्यूं टोल कोयलड़ी अधभोली ।
जी म्हे थान पुछा म्हारी कंवर बाई जी इतरो पापाजी रो लाड छोडर बाई सिध चाली (इसि प्रकार काका, बिरा, मामा, फूंफा, जिजा सभि नाम लेना)
(सीख का गीत)
आलो भरीयो चीरमी ए भोली चीरमी ल
गीणी रे मीणी दस बीस, राय राती चीरमी ल
एक न चीरमी घट गई ए भोली चीरमी ल घटग्यो बाई रो साथणीया रो साथ राय राती चीरमी ल
माय मीलुली ए भोली चीरमी ल बाबल बाई रो पलस र माय … राय
सखी रे सहेल्या गोरव ए भोली चीरमी ल, बीरो बाई रो धोरा धोरा साथ राय…