झालर
झालर रो झणको, कांसी रो ठणको म्हैं सुण्यो, आ तो शहर सतरंजै रै मांय, के झालर बाजै जी। सतरंजै में आदिनाथ जनमिया, जै तो माता मोरां देवी रा नन्दजी, झालर बाजै जी।
झालर रो झणको, कांसी रो ठणको म्हें सुण्यो, आ तो शहर गिरनारां रै मांय, के झालर बाजे जी।
गिरनारां में नेमीनाथ जनमिया, जै तो माता शिवा देवी रा नन्द जी, झालर बाजै जी।
झालर रो झणको, कांसी रो ठणको म्हें सुण्यो, आ तो शहर फलोदी रै मांय, के झालर बाजे जी।
फलोदी में पार्श्वनाथ जनमिया, जै तो माता वामा देवी रा नन्दजी, झालर बाजै जी। झालर रो झणको, कांसी रो ठणको म्हें सुण्यो।
आ तो शहर पावापुरी रै मांय, के झालर बाजै जी। पावापुरी में महावीर स्वामी जनमिया, जै तो माता त्रिशला देवी रा नन्दजी, झालर बाजे जी। झालर रो झणको, कांसी रो ठणको म्हें सुण्यो, आ तो शहर सरदारशहर मांय, के झालर बाजे जी। टमकोर में महाश्रमण जनमिया, जै तो माता नेमादेजी देवी रा नन्द जी, झालर बाजे जी।
□□□
पालकड़ी
महावीरजी री पालकड़ी, रतनां जड़ी, हांओ जिणजी पहला ऋषभनाथवांदस्यां हांओ जिणजी दूजा अजितनाथ देव हो
जिणजी तीजा सम्भवनाथ वांदस्यां हांओ जिणजी चौथा अभिनन्दन देव। महावीर… हांओ जिणजी पांचवां सुमतिनाथ वांदस्यां, हांओ जिणजी छठा पदम् प्रभु देव । हांओ जिणजी सातवां सुपार्श्वनाथ वांदस्यां। हांओ जिणजी आठवां चन्द्र प्रभु देव, महावीर…
हांओ जिणजी नवां सुविधिनाथ वांदस्यां, हांओ जिणजी दसवां शीतल प्रभु देव । होओ जिणजी ग्यारहवां श्रेयांसनाथ वांदस्यां हांओ जिणजी बारहवां वासुपूज्य देव। महावीर..
होओ जिणजी तेरहवां बिमल प्रभु वांदस्यां हांओ जिणजी चवदवां अनन्त नाथ देव हांओ जिणजी पन्द्रहवां धर्मनाथ बांधस्याहरणजी सोलहवां शांतिनाथ देव, महावीर हांओ जिणजी सत्रहवां कुन्थुनाथ जिणती