पींपळड़ी
१. इण रे पीपकड़ी रा नव दस डाळा, आदिनाथ बैठया स्वामी पोल चिणावो, उठो माता मोरादे थारो सफळ निवारों, आंगण दयो भी केसर रो जी छांटो, रिमझिम कैसर री लहरांजी आवै, जठे स्वामी आदिनाथ आद हलावे।
इन रे पीपलड़ी रा नव दस डाला, नेमीनाथ बैठया स्वामी पोळ चिणायो, उठो माता शिवादे थांरी सफळ निवारो, आंगण दयो नी किस्तुरी रो छांटो, रिमझिम किस्तुरी री लहरांजी आवै, जठे स्वामी नेमीनाथ राजुल तारे।
३. इण रे पीपलड़ी रा नव दस डाळा, पार्श्वनाथ बैठ्या स्वामी पोळ चिणावो, उठो माता वामादे थाँरो सफळ निवारो, आंगण दयो नी हूं-कूं रो जी छांटो, रिमझिम कूं-कूं री लहरां जी आवै, जठै स्वामी पार्श्वनाथ नाग-नागण छुडावै।
४. इण रे पींपळड़ी रा नव दस डाळा, महावीर बैठया स्वामी पोळ चिणावो, उठो माता त्रिशलादे थारी सफळ निवारो, आंगण दयो नी समकित रो जी छांटो, रिमझिम समकित री लहरां जी आवै, जठै स्वामी महावीर तीरथ थापै,
५. इण रे पींपळड़ी रा नव दस डाळा, महाश्रमण बैठ्या स्वामी मास-चौमासो, उठो माता नेमादे थांरो सफळ निवारो, आंगण दयो नी दूधां रो जी छांटो, रिमझिम दूधां री लहरों जी आवै, जठै पूज्य महाश्रमण पाट दीपावै,
जठै पूज्य महाश्रमण सूत्र सुणावै।
□□□
मेंहदी-१
मेंहदी बांट सिलावट कोई ज्यूं रंग दूणो होय।
१. मेंहदी दयो नी सूरज जी रै हाथ, मेंहदी म्हारी राचणी। मेंहदी दयोनी चांदोजी रै हाथ, मेंहदी म्हारी राचणी।
२. मेंहदी दयोनी विनायकजी रै हाथ, मेंहदी म्हारी राचणी। मेंहदी दयोनी देवी देवता रै हाथ, मेंहदी म्हारी राचणी।
३. हाथा मेंहदी राचणी चन्दु बाई रो चुड़लो हाथ
सेज बिछायल्यो जी काशबजी रा सीव मेंहदी म्हारी राचणी।
४. सेज बिछायल्योजी बिरमाजी रा सींव, मेंहदी म्हारी राचणी। कड्यां कटारो बांकड़ो ए गोरी म्हैं परदेशी लोग,
५. थे ही बिछायल्यो ए सजना री धीव मेंहदी राचणी। सेज बिछाल्यो नी सुसरोजी रा सींव मेंहदी राचणी जी।