भिक्षु स्मरण
(लय- चेतन ले ले शरणा चार)
जपल्यो भिक्षु भिक्षु नाम, मुख में राखो आठू याम ।
थारा सर ज्यासी सै काम, नैया पार करसी हो हो बाबो, नैया पार करसी ।।
भिक्षु है हिवड़े रा हार, म्हारें जीवन रा आधार ।
ज्योतित जिण स्यूं ओ संसार, सुरतरु घर में फलसी ।।1।।
भिक्षु नाम है मंगलकारी, लाखां री नैया नै तारी ।
म्हांरी थारै स्यूं इकतारी, संकट सारा टलसी ।।2।
भिक्षु म्हांनै थांरो शरणो, श्रद्धा भक्ति रो है झरणो ।
ओ है भवजल पार उतरणो, शांतसुधारस भरसी ।।3।।
जन मन रोचक थांरो नाम, पावन सिरियारी रो धाम ।
आस्था है अभिनव अभिराम, सिद्धिपद नै वरसी ।।4।।
आवो आवो भिक्खू स्वाम, संकटमोचक थारो नाम ।
ओ सांवरियो रूप ललाम, थांनै आया सरसी ।।5।।
(तर्ज – चेतन ले ले शरणां च्यार…)