-: मीठो सांवरिये रो नाम :-
(लय : स्वामी भीखणजी रो नाम)
मीठो सांवरिये रो नाम, जाणै मिसरी री डली,
सुमरो सुबह और शाम, होसी रंगरली।
चिन्तामणी है, नाम प्रभु रो,
च्यारूं कुंटां फैली सांवरियै री कीरत उजली ॥
१. पूनम नै प्रगटी पुन्याई,
जिन-शासन में आई तरुणाई।
धर्म क्रांति री आ उजली ज्योत एक निकली ॥
२. सुख में भजल्यो भिक्षु भिक्षु,
दुःख में भजल्यो भिक्षु भिक्षु ।
श्रद्धा राखणियां री सारी मन-री कामना फली ॥
३. झुक ज्यावै मतवालो हाथी,
हिल ज्यावै चोरां री छाती।
चमत्कारी है ओ नाम सुधरै बात अंवली ॥
४. अंगुलियां रा पोरा घिसग्या,
जीभड़ल्यां में छाला पड़ग्या।
सूक्या आंखड़ल्यां रा तारा चमकै ज्ञान बिजली ॥
५. गण उपवन री शोभा निराली,
तप संयम री छाई हरियाली।
तुलसी वनमाली नै पाकर खिलगी कली-कली ॥