श्री भैरव आराधना
(तर्ज-कोरो काजलियो…)
बाबा तोलियासर का नाथ, अब म्हांनै दर्शन दयो बाबा कोडाणै रा नाथ, अब म्हांनै दर्शन दयो।।
म्हे थांनै पूजां बारम्बार, घणी करां थांरी मनुहार,
अब आ जाओ करतार, अब म्हांने दर्शन दयो ।।
जब-जब भक्त ने अर्ज करी, थे बाबाजी मदद करी,
अब म्हांरी सुणो पुकार, अब म्हानै दर्शन दयो।।
सुरोजी थांरा भक्त हुया, थे बांनें भी दरश दिया,
म्हांने थांरो ही आधार, अब म्हाने दर्शन दयो ।।
काला, गोरा, अविनाशी, जाय बस्या दिल्ली, काशी,
आवो भक्तां रे घर आज, अब म्हाने दर्शन दयो।।
थे हो बाबा सुखकारी, दुःख भंजन प्रभु हितकारी,
थांरा टाबर करे पुकार, अब म्हांने दर्शन दयो।।