क्षमा याचना गीत
श्रीमज्जयाचारय
सप्त लक्ष जे जाती पृथ्वी श्री सप्त लक्ष अपकाय, इत्यादिक चउरासी लाख जे जीवायोनि खमाय ।
सुगुणा ! खमावियै तज खार ।।१।।
गण में सन्त सती गुणवन्ता, सगला भणी खमाय ।
निज आतम प्रति नरम करी नै, मच्छर भाव मिटाय ।। सुगुणा ! खमावियै तज खार ।।२।।
किणहिक सन्त सती सूं आया, कलुष भाव जो ताम। कठिन वचन तसु कह्या हुवै तो, खामै ले ले नाम ।। सुगुणा ! खमावियै तज खार ।।३।।
इमहिज श्रावक अनै श्राविका, सगलां भणी खमाय । कलुष भाव करि कटु वच आख्या, नाम लेई नै ताय ।। सुगुणा ! खमावियै तज खार ।।४।।
द्रव्य लिंगी वा अन्यदर्शणी, खामै सरलपणेह ।
क्रोधादिक करि कटु वच आख्या, नाम लेई पभणेह ।। सुगुणा ! खमावियै तज खार ।।५।।
बडा सन्ता नी करी अशातन, त्रिहुं जोगे करि ताम ।
सर्व खमावै उज्जल भावे, लेई जूजूआ नाम ।।
सुगुणा ! खमावियै तज खार ।।६।।
चिहुं तीरथ अथवा अन्य जन प्रति, राग द्वेष दिल आण । वचन कह्या हुदै तास खमायूं, इम कहै मुनि सुजाण ।। सुगुणा ! खमावियै तज खार ।१७।।